សុម៉ាលីផ្ទុះជម្លោះជាមួយបុរសម្នាក់

Posted by : Unknown วันอาทิตย์ที่ 7 กรกฎาคม พ.ศ. 2556

ភ្នំពេញៈ ទន្ទឹមនឹងទីផ្សារសិល្បៈសម្តែងស្ងប់ស្ងាត់ដូចចោរ លួចសេះ និងលេចតែពាក្យដើរបង្កាត់ភ្លើងស្នេហ៍ជាមួយអ្នកនេះក្នុងស្រុកនិង អ្នកនោះនៅក្រៅស្រុកនោះ តារាសម្តែងដែលជាប់ឈ្មោះ តួឯកកាកី និងចូលចិត្តសម្ញែងដើមទ្រូងសិចស៊ីបែបយេៗនាង សាន សុម៉ាលី ត្រូវបានបុរសម្នាក់ជេរប្រមាថនិងបន្ទាបបន្ថោកនាងយ៉ាងកប់ៗមាត់ ដោយថា នាងស្អាតតែអត់តម្លៃ យកសិល្បៈធ្វើជាឈ្នាន់ដើម្បីឈានទៅរកភាពល្បីល្បាញនិងហ៊ឺហាតាម ផ្លូវកាត់។
ប្រតិកម្មតបតនឹងការបន្ទាបបន្ថោកនាងនៅក្នុងជំហរជាអ្នកសិល្បៈ ពីបុរសម្នាក់នោះ បានធ្វើឲ្យតារាស្រីសិចស៊ី គ្រងរឿងអាស្រូវស្នេហ៍ច្រើនគួរសមក្នុងជីវិតសិល្បៈចូល១០ឆ្នាំមក នេះនាងសាន សុម៉ាលី បានផ្ទុះកំហឹងភ្លាមៗតបមិនសំចៃមាត់ឡើយហើយនាងក៏បានសរសេរជា ភាសាខ្មែរបង្ហោះនៅលើបណ្តាញទំនាក់ទំនងសង្គមFacebook របស់នាងជាមួយពាក្យសម្តីវាយបកធ្ងន់ៗអមជាមួយសំណួរជ្រៅៗសួរទៅ បុរសម្នាក់នោះវិញផងដែរ ។
ទោះយ៉ាងណាបុរសម្នាក់នោះហាក់ទាល់វាចា មិនមានការតបត ឬបកស្រាយសុំទោសនាងសូម្បីមួយម៉ាត់នោះទេ ក្រៅពីលឹបក្បាលដូចសត្វអណ្តើតនោះ។នាងសាន សុម៉ាលី បានសរសេរថា៖«សួរថាបុរសម្នាក់នេះមានសិទ្ធិអីមកនិយាយគេចឹង គេជាអ្នកសិល្បៈមែន តែខ្ញុំមិនមែនមនុស្សអ៊ីចឹងទេ អ្នកឯងគ្មានសិទ្ធិអីមកនិយាយអ្នកសិល្បៈអ៊ីចឹងទេ?អ្នកឯងមិន ចូលចិត្តគេកុំថាឲ្យរូបគេ?
ខ្ញុំមិនដែលស្គាល់មនុស្សដូចអ្នកឯងមនុស្សឈ្លើយសង្គមមិនឲ្យ តម្លៃមនុស្ស…ឈប់មកនិយាយអ៊ីចឹងទៀត…» ។ ក្នុងការលើកឡើងរបស់នាង សានសុម៉ាលីនោះនាងបញ្ជាក់ថា នាងជាអ្នកសិល្បៈគឺធ្វើការងារសិល្បៈមិនមែនយកសិល្បៈដើម្បីរកស៊ី ផ្លូវផ្សេងទេ»។
មូលហេតុដែលធ្វើឲ្យសាន សុម៉ាលីប្រើពាក្យសម្តីបែបនេះនៅលើបណ្តាញទំនាក់ទំនងសង្គមហ្វេសប៊ុក នេះ ដោយសារតែបុរសម្នាក់នោះបានជេរប្រទេចនាងដោយសម្តីមិនសមរម្យមកលើ មនុស្សស្រីជាន់ឈ្លីកិត្តិយសគេដោយវាយតម្លៃថាអ្នកសិល្បៈមិនល្អថា គេអាក្រក់គ្រប់បែបយ៉ាង។ បើឃើញគេមានអ្វីដែលល្អតែងតែលើកថា គេបានមកតាមផ្លូវកាត់។
ជាមួយហេតុផលបែបនោះ នាងបានបញ្ជាក់ថា៖«នេះសួរថាមនុស្សម្នាក់នេះគាត់មកនិយាយអ៊ីចឹង ដាក់ខ្ញុំហើយ មិនឲ្យខ្ញុំខឹងទេអី? ខ្ញុំមានគ្រួសារផ្តល់ការស្រឡាញ់មកខ្ញុំតែម្នាក់នេះមានសិទ្ធិអី មកនិយាយមើលងាយខ្ញុំ?»។
ក្នុងពាក្យពេចន៍ដែលពោរពេញទៅដោយភាពសោកសៅ តូចចិត្តនោះសុម៉ាលីនាងបានលើកឡើងថា៖«ខ្ញុំនិយាយដើម្បីកុំឲ្យ មនុស្សនេះចេះតែនិយាយមិនល្អពីអ្នកសិល្បៈទៀតហើយសុំម្យ៉ាងចុះបើ ចង់រករឿងខ្ញុំ ខ្ញុំអត់មានពេលអត់ប្រយោជន៍ជាមួយអ្នកទេសូមមិត្តទាំងអស់មើលគាត់ និយាយអ៊ីចឹងសមទេ?»។
នាងបានបញ្ជាក់ថា៖«ខ្ញុំអត់ស្គាល់គាត់ទេមកនិយាយអ៊ីចឹងហើយ ផុសរូបខ្ញុំទៀតអ្នកឯងស្អប់ខ្ញុំម្នាក់មានមនុស្សដែលស្រឡាញ់ និងទទួលការរាប់អានជាមួយខ្ញុំជាច្រើនទៀត»។
យ៉ាងណាក៏ដោយ ការលើកឡើងនិងការតបតជាមួយពាក្យសម្តីធ្ងន់ទៅបុរសម្នាក់នោះ ត្រូវបានតារាសម្តែងយេៗរូបនេះ ឲ្យដឹងថា៖«ខ្ញុំចង់ឲ្យមិត្តដឹងថាខ្ញុំមិនបានរករឿងគាត់ទេ? គាត់គួរណាស់ឈប់មកនិយាយអ៊ីចឹងទៀត»។
សាន សុម៉ាលី ក៏បានសួរទៅបុរសដែលថា នាងយកសិល្បៈគ្រាន់ជាឈ្នាន់ថា៖«អ្នកមានតម្លៃដូចរូបអ្នកនិងសួរ ថាបានធ្វើអី្វមួយជួយសង្គមជាតិឬនៅ? មុននឹងថាគេតើល្អគ្រប់គ្រាន់ទេមុននឹងថាឲ្យអ្នកដទៃ? អ៊ីចឹងបានគេនិយាយថាខ្លួនឯងជាជាតិខែ្មរប៉ុនែ្តអត់ការងារធ្វើ មាត់រមាស់អត់មានអីស៊ីដើរនិយាយដើមជាតិខ្មែរខ្លួនឯងសួរថាអ្នក ធ្វើនេះមានន័យដូចមេ្តច?»៕