ស៊ឹម ថៃណា អាចនឹងបាត់បង់កេរ្តិ៍ឈ្មោះនិងប្រជាប្រិយភាពជាកញ្ញាសិចស៊ីពីពិភពសិល្បៈ

Posted by : Unknown วันอาทิตย์ที่ 7 กรกฎาคม พ.ศ. 2556

រាជធានីភ្នំពេញ ៖ តារាចម្រៀងសម្បុរស្រអែមនិយមភាព សិចស៊ីនិងបង្ហាញដើមទ្រូង ដ៏ស្រស់ស្អាត កញ្ញា ស៊ឹម ថៃណា នៅតែបន្តស្ងាត់ដោយមិនឃើញលេចតាមកញ្ចក់ទូរទស្សន៍ និង ស្តារកេរ្តិ៍ឈ្មោះក៏ដូចជាប្រជាប្រិយភាពឡើងវិញសោះ ។
អតីតតារាចម្រៀងធ្លាប់ល្បីឈ្មោះក្នុងផលិតកម្ម M កញ្ញា ស៊ឹម ថៃណា ហាក់ដូចជា មិនសូវស្តាយស្រណោះនឹងកេរ្តិ៍ឈ្មោះ ដែលនាងបានខិតខំសាងក្នុងវិថីសិល្បៈមកជាង១០ ឆ្នាំ ។ ព្រោះតែមួយរយៈមកនេះត្រូវបានគេដឹងគ្រប់គ្នាថា នាងស្ទើរតែបោះបង់ចោល ទាំងស្រុងចំពោះការសម្តែង និងការច្រៀងនៅក្នុងស្រុក ដោយជំនួសនូវការចេញទៅ ច្រៀង និងសម្តែងនៅឯក្រៅស្រុកវិញ ។
ការបាត់វត្តមានក្នុងការបង្ហាញមុខតាមរយៈវិស័យសិល្បៈ របស់ កញ្ញា ស៊ឹម ថៃណា បានធ្វើឱ្យទស្សនិកជនស្ទើរតែភ្លេចមុខនាងទៅហើយ ។ ព្រោះគេគិតថា ស៊ឹម ថៃណា អាចដើរចេញដោយការបោះបង់ពីការងារសិល្បៈនេះ ខណៈមុននេះមានព័ត៌មានថា នាង បានប្រកាសផ្អាកពីសិល្បៈមួយរយៈធំសិននោះ ។ ក៏ស្រាប់តែថ្មីៗនេះមានដំណឹងមកថា កញ្ញា ស៊ឹម ថៃណា មានគម្រោងវិលចូលបម្រើក្នុងវិស័យសិល្បៈជាថ្មីឡើងវិញ បន្ទាប់ពីនាង បានអវត្តមានជាយូរមកនោះ ។
ប្រភពព័ត៌មានពីមជ្ឈដ្ឋានខាងក្រៅបាននិយាយថា បច្ចុប្បន្ន ស៊ឹម ថៃណា កំពុងតែត្រៀមបង្ហាញខ្លួនជាថ្មីឡើងវិញ នៅក្នុងថ្នាលវិថីសិល្បៈតាមរយៈ ការសម្តែង និងច្រៀង ដើម្បីបម្រើដល់អារម្មណ៍ទស្សនិកជនដែលធ្លាប់ស្គាល់ និងតែង គាំទ្រដល់រូបនាងពីមុនៗមក ។ ទោះបីជាយ៉ាងណាក្តីប្រភពខាងលើមិនបានដឹងច្បាស់ទេថា ស៊ឹម ថៃណា នឹងវិញ ចូលសិល្បៈវិញ នៅពេលណាឱ្យប្រាកដនោះទេ។ ប៉ុន្តែប្រហែលមិនយូរនោះទេ ព្រោះគេដឹងថា នាងបានត្រៀមខ្លួនជាស្រេចហើយ ចំពោះការចូល បង្ហាញខ្លួន ក្នុងសិល្បៈនេះ ។
ប្រសិនបើ នាងនៅតែអូសបន្លាយបណ្តែតបណ្តោពេល វេលាមិនព្រម ចេញបង្ហាញមុខឱ្យទស្សនិកជនបានឃើញញឹកញាប់នោះទេ នាងអាច និងប្រឈមជាមួយនឹងការបាត់បង់កេរ្តិ៍ឈ្មោះ និងប្រជាប្រិយភាព ដែលនាងធ្លាប់សន្សំ ឡើងជាង១០ឆ្នាំមកហើយនោះជាក់ជាមិនខាន ៕