បើកបរមិនគោរពសិទ្ធិគ្នា នៅចំណុចផ្លូវកែង រថយន្តពីរគ្រឿងបុកគ្នា ខូចខាតធ្ងន់ធ្ងរ ទាំង ២គ្រឿង

Posted by : Unknown วันเสาร์ที่ 29 มิถุนายน พ.ศ. 2556

រាជធានីភ្នំពេញ ៖ រថយន្តមែរសឺដេស ពណ៌ទឹកប្រាក់ ពាក់ស្លាកលេខ ភ្នំពេញ 2T 2048 ជិះគ្នា ៤នាក់ ស្រី ២នាក់ ប្រុស ២នាក់ ក្នុងស្ថានភាពស្រវឹងធ្លាក់ភ្នែកបើករថយន្តទៅបុករថយន្ត តាក់ស៊ីម៉ែត្រ ពណ៌លឿង ពាក់ស្លាកលេខ ភ្នំពេញ 2M 5106 បណ្តាលឲ្យរថយន្តទាំងពីរ រងការខូចខាត យ៉ាងដំណំ ។
គ្រោះថ្នាក់នេះ កើតឡើងនៅវេលាម៉ោង ១២និង ២០នាទី រំលងអធ្រាត្រឈានចូលថ្ងៃទី២៨ មិថុនា នៅចំណុចផ្លូវលេខ១៥៥ កែង៤៣២ សង្កាត់ទួលទំពូងទី១ ខណ្ឌចំការមន ។
ប្រភពព័ត៌មានសមត្ថកិច្ចបានឲ្យដឹងថា ដោយសារតែការបើកបរក្រោមជាតិស្រវឹង ហើយបើកបរលឿនដូចគ្នា មិនគោរពសិទ្ធិអាទិភាពគ្នា ទើបបណ្តាលឲ្យរថយន្តមែរសឺដេស បើកតាមផ្លូវលេខ៤៣២ ពីលិចទៅកើត បើកទៅបុករថយន្តតាក់ស៊ីម៉ែត្រពណ៌លឿង ធ្វើដំណើរតាមផ្លូវ លេខ១៥៥ ពីត្បូងទៅជើង ពេញទំហឹង ធ្វើឲ្យរថយន្តមែរសឺដេសខូចខាតមុខខាងឆ្វេង ចំណែករថយន្តតាក់ស៊ីម៉ែត្រ ក្រពឹតលើកង់ក្រោយខាងឆ្វេង និងជ្រុះកាងក្រោយ ។
ហេតុការណ៍នេះ មិនបង្កឲ្យមានអ្នករងរបួសទេ គ្រាន់តែខូចខាតរថយន្តទាំងពីរគ្រឿង ។
ក្រោយពេលកើតហេតុ ភាគីទាំងពីរធ្វើការចរចាគ្នា មិនត្រូវ សមត្ថកិច្ចធ្វើការវាស់វែងយករថយន្ត ទាំងពីរគ្រឿងទៅរក្សាទុក នៅការិយាល័យនគរបាលចរាចរផ្លូវគោក រង់ចាំធ្វើការដោះស្រាយ តាមនីតិវិធី ៕

ប្រភព អង្គរធំមេឌា