បុរសម្នាក់ត្រូវគេសម្លាប់ រួចយកមកទម្លាក់ក្នុងប្រឡាយទឹក ជាប់ផ្លូវជាតិលេខ១

Posted by : Unknown วันอาทิตย์ที่ 30 มิถุนายน พ.ศ. 2556

ប្រភព CEN
ស្វាយរៀង: សាកសពបុរសម្នាក់ត្រូវបានគេប្រទះឃើញ នៅក្នុងប្រឡាយទឹកអមផ្លូវជាតិលេខ១ កាលពីវេលាម៉ោង៧ព្រឹកថ្ងៃទី៣០ខែមិថុនា ឆ្នាំ២០១៣ នៅភូមិត្របែកប្រហោង ឃុំតាសួស ស្រុកស្វាយជ្រំ។

សាកសពត្រូវបានសមត្ថកិច្ចអូសយកដាក់លើកគោក បានពិនិត្យឃើញមានស្លៀកពាក់ខោពណ៌ត្រេអ៊ី ហោប៉ៅចំនួន៦ អាវពណ៌សដៃវែង នៅលើផ្ទៃមុខមានស្លាមបែក ជាំភ្នែក រលាត់ដើមទ្រូង ហើមពោះ ប៉ុន្តែមិនទាន់ដឹងថា បុរសម្នាក់នោះស្លាប់ដោយសារអ្វីទេ។
គេមានការសង្ស័យថា បុរសម្នាក់នោះត្រូវគេសម្លាប់ពីកន្លែងផ្សេង ហើយសពមកទម្លាក់ចូលក្នុងប្រឡាយទឹក។
សពនោះគេពុំទាន់ស្គាលអត្តសញ្ញាណនៅឡើយ ហើយសមត្ថកិច្ចកំពុងធ្វើកោសល្យវិច័យ និងស្រាវជ្រាវរកឃាតកដៃដល់៕