News Khmers

ប្រភព អង្គរធំមេឌា
រាជធានីភ្នំពេញ ៖ បុរស​ម្នាក់​ត្រូវ​បាន​គេ​ស្គាល់​ថា ជាកម្មករ​សំណង់​ ខណៈ​ពេល​ដែល​យក​ម៉ូទ័រ​ទៅ​កាត់​ឈើ​ប៉ះចំ​មុខ​តំណ បណ្តាល​ឲ្យ​ឆក់​ប្រកាច់​ត្រិល ដូច​គេ​វាយ​ក្បាល​ត្រីរ៉ស់​អញ្ចឹង បណ្តាល​ឲ្យដួល​សន្លប់​ស្តូក​ស្តឹង ។
ឧប្បត្តិហេតុនេះ កើតឡើងនៅ វេលា​ម៉ោង ១០និង​៣០នាទីព្រឹកថ្ងៃ ទី២៩ មិថុនា នៅការដ្ឋានសាងសង់ ភូមិគ្រឹះមួយកន្លែង​ នៅតាមផ្លូវ បេតុង ភូមិផ្សារទឹកថ្លា សង្កាត់ទឹក ថ្លា ខណ្ឌសែនសុខ ។
បុរសឆក់ខ្សែភ្លើងមានឈ្មោះ ប៊ី ភេទប្រុស អាយុ ៣២ឆ្នាំ មុខរបរ ជាកម្មករសំណង់ ស្នាក់នៅការដ្ឋាន​កើតហេតុខាងលើ មានស្រុកកំណើតនៅភូមិក្រាំងខ្ពស់ ឃុំស្នងក្រពើ ស្រុកគងពិសី ខេត្ត កំពង់ស្ពឺ ។
ប្រភពព័ត៌មានពីមិត្តភក្កិធ្វើការជាមួយគ្នា ដែលជូនជនរងគ្រោះទៅព្យាបាលនៅមន្ទីរពេទ្យព្រះកុសុមៈបានឲ្យដឹងថា មុនពេលកើតហេតុ ជនរងគ្រោះយកម៉ូតូទ័រ​កាត់​ឈើ​ទៅ​កាត់កំទេចឈើ ដើម្បីយកមកកែច្នៃធ្វើ យកទៅតុបតែងលំអនៅក្នុងភូមិគ្រឹះដែលកំពុងសាងសង់ ខណៈពេល ដោយម៉ូទ័រនោះ ទៅដោតឌុយ​នឹងព្រីភ្លើងកាន់ប៉ះ​ចំមុខ​តំណ បណ្តាលឲ្យឆក់ប្រកាច់ត្រិល​ដូចគេវាយក្បាលត្រីរ៉ស់ដួលសន្លប់ស្តូកស្តឹងតែម្តង ។
ក្រោយពេលកើតហេតុ ឃើញដេកដួលសន្លប់បែបនេះ មិត្តភក្តិដែលធ្វើការជាមួយគ្នា បានលើកដាក់លើរ៉ឺម៉កម៉ូតូ យកទៅព្យាបាលនៅមន្ទីរពេទ្យព្រះកុសុមៈ ។ ពេល​ទៅ​ដល់​ពេទ្យព្រះកុសុមៈ កំពុងស្ថិតក្នុងបន្ទប់សង្គ្រោះបន្ទាន់ហើយ គ្រូពេទ្យកំពុងជួយសង្គ្រោះ ៕