អ្នកប្រឆាំងតវ៉ាស្រាតសំដៅរថយន្តរបស់នាយករដ្ឋមន្ត្រីទុយនេស៊ី

Posted by : Unknown วันเสาร์ที่ 29 มิถุนายน พ.ศ. 2556

សមាជិក្រុមស្ត្រីFemenដែលដោះអាវព្រលែងដោះនៅកណ្តាលវាលបានសំដៅ ក្បួនរថយន្តរបស់នាយករដ្ឋមន្ត្រីទុយនេស៊ី លោកអាលី ឡារ៉ាយេដនៅទីក្រុងប្រ៊ូសសែលកាលពីថ្ងៃម្សិលមិញ ដើម្បីប្រឆាំងការដែលសមាជិកក្រុមនេះត្រូវបានចាប់ដាក់គុកនៅក្រុង ទុយនីស។

បុគ្គលិកសន្តិសុខចាប់សកម្មជនFemenនៅពេលនាងឡើងលើក្បាលរថយន្តរបស់នាយករដ្ឋមន្ត្រីទុយនេស៊ី

នៅពេលក្បួនរថយន្តចាកចេញក្រោយការធ្វើទស្សនកិច្ចនៅស្នាក់ការ សហភាពអឺរ៉ុប ស្ត្រីពីរនាក់បានរត់ឡើងលើក្បាលរថយន្តការទូតមួយនិងពីរនាក់ ទៀតស្រែកពាក្យស្លោកអោយដោះលែងសកម្មជនរបស់ពួកគេ។

article-2348218-1A7FF8B4000005DC-724_634x409

ត្រូវសន្តិសុខចាប់ជាប់

មន្ត្រីសន្តិសុខបានប្រញាប់ប្រញាល់រត់ចូលទៅទាញពួកនាងនាងចេញពីរថយន្ត និងពួកគេទាំង៤នាក់បានរត់ចេញទៅឆ្ងាយ។

សកម្មជនFemenបីនាក់ដែលត្រូវតុលាការទុយនេស៊ីកាត់ទោសដាក់គុក៤ខែ

មុននេះនៅក្នុងខែមិថុនាដដែល តុលាការទុយនេស៊ីមួយបានកាត់ទោសដាក់គុកសកម្មជនបីនាក់នៃក្រុម Femenរយៈពេល៤ខែមួយថ្ងៃដោយសារតែពួកគេបានស្រាតធ្វើការប្រឆាំង តវ៉ានឹងការចាប់ខ្លួនស្ត្រីម្នាក់អាយុ១៩ឆ្នាំដែលបានស្រាតដាក់ ក្នុងFacebook ។
អង្គការសិទ្ធិមនុស្សAmnesty Internationalបនាថ្កោលទោសការដាក់ទោសចំពោះការបញ្ចេញរូបភាពអាសអាភាស នៅតាមទីសាធារណៈ ការធ្វើអោយខូចសីលធម៌សាធារណៈនិងបង្កសម្លេងរំខាន នេះថា”ការរឹតត្បឹតសេរីភាពនៃការបញ្ចេញមតិដែលមិនអាចទទួលយកបាន”៕