លោកខៀវ កាញារីទ្ធ អំពាវនាវអោយអ្នកច្បាប់ពិនិត្យមើលលើការទទួលខុសត្រូវរបស់ម្ចាស់ឡឥដ្ឋ នៅស្រុកអូររាំងឪ

Posted by : Unknown วันอาทิตย์ที่ 30 มิถุนายน พ.ศ. 2556

ប្រភព CEN
ភ្នំពេញ: បន្ទាប់ពីបានឃើញការអំពាវនាវ របស់ លោក ខណ្ឌ័ ចន្ទ័សុផល ប្រធានក្រុមបណ្តាញសង្គម អ្នកលេងហ្វេសប៊ុកថ្មីៗនេះ ត្រូវបានលោក ខៀវ កាញារីទ្ធរដ្ឋមន្ត្រីក្រសួងព័ត៌មាន បានឧបត្ថម្ភថវិកា ចំនួន ១ ០០០ ០០០ រៀល កាលពីព្រឹកថ្ងៃទី៣០ ខែមិថុនា ឆ្នាំ២០១៣ ដើម្បីចូលរួមចែករំលែកនៅភាពលំបាក និងចំណាយលើការហូបប្រចាំថ្ងៃរបស់ពួកគាត់ ទោះបីជាមន្ទីពេទ្យគុន្ធបុប្ផា ព្យាបាលមិនយកប្រាក់ ក៏ដោយ ក៏ការហូបចុក និង ការស្នាក់នៅ កំដរកុមាររងគ្រោះដោយសារម៉ាស៊ីនឡឥដ្ឋកិនដាច់ដៃស្តាំត្រឹមគល់ឃ្លៀក ។

លោក ខៀវ កាញារីទ្ធ ដែលបានជំរុញអោយ អាជ្ញាធរពាក់ព័ន្ធ មានសមត្ថកិច្ច ធ្វើការស្រាវជ្រាវ ចុះពិនិត្យដល់សិប្បកម្មមួយនេះ ដែលបានអនុញ្ញាតអោយមានការប្រើប្រាស់ពលកម្មកុមារ ដែលមិនទាន់មានអត្តសញ្ញាណប័ណ្ណ ឬ គ្រប់អាយុនៃការធ្វើការ ដែលជាការរំលោភសិទ្ធិយ៉ាងធ្ងន់ធ្ងររបស់សិទ្ធិសញ្ញាអន្តរជាតិស្តីពី សិទ្ធិកុមារ។
ចំណែកក្រុមការងារ របស់ លោក ហ៊ុន ម៉ាណែត ក៏បាននាំយកថវិកាចំនួន ១ ២០០ ០០០ រៀលផងដែរ ដើម្បីចូលរួមរំលែកទុក្ខលំបាក របស់ក្រុមគ្រួសារកុមារ រស់ រ័ត្ន។ បើទោះបីជាកិច្ចការងារដ៏សែនមមារញឹកយ៉ាងណាក៏ដោយ របស់លោក ហ៊ុន ម៉ាណែត ក្នុងឱកាសយុទ្ធនាការឃោសនាបោះឆ្នោត ក៏លោក នៅមិនចោលការងារ មនុស្សធម៌ដែរ។
ក្រុមគ្រួសារកុមារ រស់ រ័ត្ន បានលើកដៃសំពះទាំងទឹកចិត្តក្តុកក្តួល និង រំភើបជាខ្លាំងដោយមានការយកចិត្តទុកដាក់ ពីសំណាក់ថ្នាក់ដឹកនាំ របស់រាជរដ្ឋាភិបាល និងផ្តល់ភាពកក់ក្តៅជូន ពួកគាត់ និងប្រជាជនទូទៅ ដោយមិនប្រកាន់វណ្ណៈ និន្នាការ និង ពណ៌សម្បុរឡើយ៕